| 今日係中秋節~突然有感而發想打下xanga，其實平時都好想打，但實在無時間.... 好快又過一個月，雖然每日的時間都過得好快，真係好多野都做唔切，亦都唔識解釋俾朋友知道我在忙甚麼，總知就係做唔切...但一想到明年8月，15個仔仔女女先升K3，究竟我依一年會教得到他們幾多野呢?依一年我能令他們有個好的表現升上K3嗎??依一年我能做到本份嗎?不知道，還有一段很長的日子.... 最近，很開心很開心知道好朋友們準備結婚了，即將又踏入一生的另一階段，那種感覺很特別，從前大家穿起校服，每天嘻嘻哈哈返學，畢業後，大家仍然保持聯絡，不經不覺，大家都有不同的際遇，不斷成長及改變....難得的是大家的友誼從沒有改變，所以，知道好朋友快要結婚了，真的很高興~~~衷心祝福他們!!!! 而今日係中秋節，好多人都會同屋企人過節食飯，其實我對中秋節及過冬，都沒有太大的感受，可能已經有好多好多年無再同親戚朋友食飯過節，而且爸爸媽媽都忙左咁多年，所以一直只會對聖誕節及新年有喜悅的感覺，認為需要慶祝及與家人一起吃飯~~~講係咁講，今晚放工後，見到好多人都趕住過節食飯，周圍的鋪頭又提早收工，行返屋企，見到一家大細拎住燈籠、螢光棒玩，很開心很開心~唔知點解有一種酸溜溜的感覺，想喊咁....可能很想找一個人陪下自己就夠了，唔想每一個節日，都望住街上的人，那種幸福的感覺.... 我知我訓醒一覺就無事...因為我有一個「節日假期情緒病」，哈哈~ 明天繼續努力工作吧~~ |
| |
| 有成個月無打xanga...因為懶...因為忙... 正式擔班就有一個月了，每天都是返工放工，當小朋友踏入課室一刻，就要打醒十二分精神，不停地思考如何帶領他們進行活動，有時覺得佢地開始熟左我，唔驚我，覺得我唔鬧人，好似開始不守秩序了~有時都唔識點教佢地..... 而教案、評估、反思、記錄等等，每天都會跟住我返屋企咁，比以前的工作量多了很多很多，好多野都係第一次接觸，真係好驚自己會做錯~依家終於體會到以前同事們的苦水...接踵而來的工作，努力吧!! 暑假時，不停趕工佈置課室，當中確實有點成功感，竟然可以靠自己完成，部份佈置的效果都不錯，um~~仲未影相添!!!而從小朋友身上，都開始獲得一點成功感，當發現他們會把我教過的東西記着，能再次應用出來，就相當高興~但始終仲有很多野，我處理得唔好..... 最近，更介紹朋友黎幼稚園做住part time，好開心可以俾到佢感受到我的工作，因為朋友們總不明白我為何時常都說很忙很忙、很累很累、很多野做等等，其實都接觸依行有成5-6年時間，都估唔到自己到今日，真係可以成為一個幼稚園老師，其實不知道是否實現「我的志願」，只知道一切順其自然，平平穩穩的生活，雖然當中會有點苦悶，但仍然每天都過得很快樂。 |
| |
| 已經8月4日喇，台灣之旅都已經完結了，這四天很高興，飲飲食食，不斷買野，不停影相，忘記了放假前的煩惱，開開心心去旅行~但餘下的暑假日子不多了，每天都有節目，唉~~好擔憂呀... *相片後補~ 今日係ning passing out大日子，估唔到咁快就半年，而佢又真係可以順利完成，定必去支持佢啦~訓左4個hrs，一早5點就要起身，同埋 nova坐6點幾西鐵出金鐘，join埋sun坐的士去警校。7點幾已經好多人入左去擺位，真係傻傻地....最後我地都有個靚位坐，又陰又有風，搞到我坐低中眼訓，但可惜我地6隻眼都睇唔到邊個係ning，之後我地要等成2個hr，先可以同到ning影相。嘩~不過今日真係好熱好晒~影相都好辛苦，但終於挨過去了，真正成為一位警察!!!之後去食lunch，再去sogo買埋base，就同sun返元朗，真係好sleepy ，佢好快就訓左... 但我返到屋企都唔訓喇，做下公仔，唔係都唔知點算...今晚佢地因為極少事而頂咀，真係好無謂，成個星期都無同佢地食飯，都食得咁唔開心...明天又返深圳按摩，其實依個暑假無咩時間去陪佢地，但佢地都係返工、打牌，都唔太點理我.. *回憶，總是美好~   |
| |
| 明明放暑假了，但因為要佈置新課室，返多左成個星期，日日都不停同時間競賽，最後一天都仲有好多野未準備好咁，或許到完成的那天，我會很有滿足感，但現在的心仍然憂慮.... 7月28日(六)先開始我的暑假，忙執行李，因為台灣之旅就到了，沒有當初的興奮及期待，只有課室及教學的憂慮...但我相信這四天旅程會很開心呢，要舒緩一下緊張的心情呀!!!各位朋友，我會8月2日就返黎喇~ 原本有的暑假日期：7月22日至8月8日 7月23-27日 預備課室佈置 7月28日 執拾行李 7月29日 幫手 7月30日-8月2日 台灣之旅 暫時plan好左之後的活動： 8月3日 打雀(未定) 8月4日 warning passing out! 8月5日 返大陸按摩(未定) 8月6日 同connie、高開會 8月7日 返學校準備課室、教材、溫習冊等等... 8月8日 返學校準備課室、教材、溫習冊等等... 8月9日 全體老師要返工了!! * 我究竟有無放暑假呀??? |
| |
| 21-7-07(六) 個個都坐低整紙雕，會無無聊聊講下笑，真係好開心呀~不過真係坐得太耐，好辛苦，好似唔識行咁，做到5點幾就走，再出尖沙咀join新同man，自己又唔熟路，俾人點到行黎行去，出晒汗~7點幾去到ceo neway，man gei朋友一個一個出現，最後今次party有成22人，真係好熱鬧，有人飲酒、有人玩骰、有人唱k，起初大家都互不相識，之後玩玩下都幾開心~不過我真係好蠢，仲係唔識玩大話骰...係咪代表我唔識講大話呢，哈哈哈哈~~~~其實有諗過跟埋佢地再去飲野ga，不過開始sleepy喇，唔知再飲會唔會醉，但發現今次飲左幾杯都無事~~最後唯有12點幾都自己由尖沙咀返元朗，巴士上知道自己訓左，好在識落車，轉的士直返屋企!! 可惜....... 22-7-07(日) 訓到10點起身，都仲腳軟軟咁.....竟然真係問左man拎msn同電話，不過唔夠擔無端端打去呀...傻gei咩~但都仲會諗住wo~~下午出去行下街，buy定少少課室野，但課室仲有好多野未做好，希望依個wk可以做完，咁先安安落落去玩~~~唔知係咪依排成日曲住對腳，行一陣就好累呀....唉~~救命!!!唔好傻啦..... 好想睇返d相~ |
| |
